काठमाडौं : विश्वव्यापी रुपमा फैलिएको कोरोना भाइरसको संक्रमणले चाडपर्वलाई खल्लो बनाएको छ। तीजमा दिदीबहिनी मिलेर रमाइलो गर्ने, सुखदुःखका कुरा साट्ने, दर खाने कार्यलाई यो वर्ष कोभिडले छेकेको छ।
कोभिडले तीजलाई समेत असर गरिरहेको सन्दर्भमा बेलायत निवासी कुशल श्रेष्ठको निर्देशनमा तीजको नयाँ गीतको भिडियो सार्वजनिक भएको छ। ‘योपालिको तीज जुममा हरेर’ गायिका सुनिता दुलालको युट्युब च्यानलबाट सार्वजनिक गरिएको हो । विश्वभर कोभिड–१९ को सन्त्रास फैलिरहेको बेला ठूलो समूह या भिडभाड नगरी भर्चुअल रुपमा नै तीज मनाऔं भन्ने सन्देश भिडियोले दिएको छ।
अमेरिका निवासी रोजा ओलीको शब्द, सुनिल मास्केको संगीत रहेको गीतमा गायिका सुनिता दुलालको आवाज रहेको छ। भिडियोमा भगवती तिमल्सिना, काव्या श्रेष्ठ, रश्मिता दर्लामी, दिपिका श्रेष्ठ, आस्था जोशी, रोश्ना कार्की, रिमा कंडेल, स्वस्तिका लोहनी, अस्तिक कँडेल, दिपक थापा मगर लगायतको अभिनय रहेको भिडियोमा दिलु थापाको नृत्य निर्देशन रहेको छ।
भिडियो बेलायत, अमेरिका र नेपालमा छायांकन गरिएको छ।
प्रतिक्रिया दिनुहोस !
