काठमाडौं : म्युजिक भिडियो निर्माणमा ख्याति कमाएका निर्देशक विधान कार्की आफ्नो नयाँ भिडियो ‘भुर भुर पुतली’ लिएर आएका छन्। सरल र टिपिकल नेपाली शब्द समेटिएको भिडियोमा विधानले युगल जोडीको प्रेमगाथा समेटेका छन्।
फिल्मी शैलीमा कथा वाचन गरिएको गीतमा समीर आचार्य र सुरेखा क्षेत्रीको स्वर छ। शुक्रबार मध्याह्न सार्वजनिक भिडियोले केही बेरमै दर्शकको धेरै माया सँगालेको छ।
नवराज कलौनी र राजेन्द्र भट्टको शब्दमा राजेन्द्र भट्ट मिस्टर आरजेले संगीत भरेका छन्।
किसन रेग्मीको लगानी रहेको भिडियो नेप्सिने कम्पनीले निर्माण गरेको हो। भिडियोमा नायक पुष्प खड्का र मोडल गरिमा शर्माले अभिनय गरेका छन्। भिडियोमा पुष्प र गरिमा रोमान्टिक मुडमा देखिएका छन्।
उत्सव दाहालको छायांकन रहेको भिडियो विकास दाहालले सम्पादन गरेका हुन्। निर्देशक कार्कीले भिडियो रोमान्टिक र कलरफुल बनाएका छन्।
भिडियो
प्रतिक्रिया दिनुहोस !
