स्याङ्जामा एम्बुलेन्स दुर्घटना : दुई जनाको मृत्यु, गर्भवतीसहित दुई घाइते
भदौ १४, २०७७ आइतबार ८:५:०
स्याङजा : काठमाडौंबाट चापाकोट नगरपालिका जाँदै गरेको बा २ झ ४०११ नम्बरको एम्बुलेन्स दुर्घटना हुदाँ दुई जनाको मृत्यु भएको छ भने दुई जना गम्भीर घाइते छन्।
मृत्यु हुनेमा चापाकोट- १० का २५ वर्षीय श्याम पंगेनी र चापाकोट-९ का ३५ वर्षीय भानुभक्त गैह्रे रहेको प्रहरी नायब उपरीक्षक राजेन्द्र अधिकारीले जानकारी दिए। उनीहरु दुबैको वालिङस्थित प्राथमिक स्वास्थ्य केन्द्रमा उपचारका क्रममा मृत्यु भएको अधिकारीले बताए।
घाइते भएका ३१ वर्षीय एम्बुलेन्स चालक सुरेन्द्र भण्डारी, ३२ वर्षीय पवित्रा पोखरेललाई थप उपचारको लागि पोखरा पठाइएको छ। एम्बुलेन्समा सवार चारै जना चापाकोटका हुन्। एम्बुलेन्स सडकबाट अन्दाजी २ सय ५० मिटर तल खसेको छ।
प्रतिक्रिया दिनुहोस !
