काठमाडौं : कीर्तिमानी गीतकार डा. डीआर उपाध्यायले गायक राज सागरको स्वरमा आफ्नो नयाँ गीत ‘गए तिम्रा यादहरू’को भिडियो सार्वजनिक गरेका छन्। एकपछि अर्को सिर्जना सार्वजनिक गर्ने क्रममा विश्व कीर्तिमानी गीतकार उपाध्यायले यसपटक वियोगान्त गीत ल्याएका छन्। गीतको भिडियोलाई रोशिकले निर्देशन, छायांकन र सम्पादन गरेका छन्। भिडियोमा एउटा मोटरसाइकल मिस्त्रीले मन पराएकी युवती (नर्स)लाई डाक्टरले मन पराएपछि ती मिस्त्रीको छटपटी र प्रेमपीडा प्रस्तुत गरिएको छ।
भिडियोको कथा वाचन शैली फरक छ। भिडियोमा नयन सिंह, पुरुषोत्तम सानु, रूपा सुनार, रजिना भित्रीकोटीलगायतले अभिनय गरेका छन्। यो गीत अहिलेका युवा संगीतकार गायक राज सागरले गाएका छन्। यसमा साहस शाक्यको संगीत संयोजन र दीप घतानीको मिक्सिङ तथा मास्टरिङ रहेको छ।
प्रतिक्रिया दिनुहोस !
