चिनियाँ व्यापारको प्रभुत्वविरुद्ध जापान, भारत र अष्ट्रेलियाको सहकार्य
भदौ १६, २०७७ मंगलबार १४:१२:०
टोकियो : जापान, अष्ट्रेलिया र भारतका अर्थमन्त्रीहरु भरत–प्रशान्त क्षेत्रमा आपूर्ति श्रृंखला लचिलो बनाउन सहमत भएका छन् ।
व्यापारमा चिनियाँ प्रभुत्व प्रतिरोध गर्न तीन देशहरुबीच भएको सहमतिका आधारमा मंगलबार उनीहरु मिलेर सहकार्यका लागि तयार देखिएका हुन् । तीन देशका अर्थमन्त्रीहरुले संयुक्त विज्ञप्ति निकाल्दै चीनको प्रभुत्वविरुद्ध आपूर्ति तथा व्यापारको लागि पहल गर्ने भएका हुन् ।
जापानी अर्थमन्त्री हिरोसी काजियामा, भारतका पियुष गोयल र अष्ट्रेलियन अर्थमन्त्री सिमोन बर्मिङघम उक्त मुद्दामा केन्द्रित रहेर मंगलबार भिडियो कन्फ्रेन्स गरेका थिए । साथै यस क्षेत्रमा साझा पहलका लागि सहकार्य गर्न उनीहरुले अन्य देशलाई पनि आग्रह गरेका छन् ।
प्रतिक्रिया दिनुहोस !
