भैरहवा : भैरहवास्थित कोभिड १९ भीम अस्पतालमा उपचारत नवलपरासी जिल्ला राम्रगाम नपा ५ की ६५ वर्षीया महिलाको मृत्यु भएको छ। बुटवलमा उपचारत उनीमा कोरोना संक्रमण पुष्टि भएपछि कोभिड भीम अस्पतालमा भर्ना गरिएको थियो ।
मधुमेह, उच्च रक्तचाप, र निमोनियाको बिरामी रहेकी उनलाई आइसीयूमा राखेर उपचार गर्ने क्रममा मंगलबार राती मृत्यु भएको भीम अस्पतालका कोभिड १९ का फोकल पर्सन डा. सुमित प्रजापतिले जानकारी दिए ।
'मृतक दीर्घ रोगी हुनुहुन्थ्यो र उहाँलाई निमोनिया पनि भएको थियो,' उनले भने, 'तर, राती उपचारको क्रममा मृत्यु भयो ।' कोरोना संक्रमण पुष्टि भएपनि उनको मृत्यु कोरोना संक्रमणले भएको वा अन्य कुनै कारणले त्यो खुलेको छैन ।
प्रतिक्रिया दिनुहोस !
