नाच्न सिक्दै नाइजेरियादेखि अमेरिकासम्म : ११ वर्षीय विश्वचर्चित 'ब्यालेट डान्सर' को कहानी
भदौ १९, २०७७ शुक्रबार १४:५१:०
वासिङटन : ११ वर्षीय ‘ब्यालेट डान्सर’ एन्थोनी मेसोमा मदुको एउटा भिडियो केही महिना अघि सामाजिक सञ्जालमा भाइरल बनेको थियो ।
भिडियोमा उनी खाली खुट्टा झरी परिरहेको बेला हिलोले भरिएको साँघुरो ठाउँमा सहजै ब्यालेट डान्स गरिरहेका देखिन्थे । उक्त भिडियो सार्वजनिक भएको केही महिनापछि नै उनी सामाजिक सञ्जालमा भाइरल बनेका हुन् । नाइजेरियाका उनै बालक एन्थोनी आज अमेरिकाको एक प्रतिष्ठित छात्रवृत्ति पाएका छन् ।
मदुलाई लागेको थियो कि, त्यो भिडियो खासमा ब्यालेट डान्स सिकाउने गुरुले अध्ययनकै एक हिस्साको रुपमा बनाउँदै थिए । तर उक्त छोटो भिडियोले नै यी बालकको जीवन बदलिदिएको छ ।
जहाँ उनको डान्स कौशल प्रष्टसँग देखिन्छ । सोही भिडियो हेरेर हलिउड अभिनेता सिन्थिया एरिभो र भिओला डेभिड सहित थुप्रै उनका प्रशंसक बने । झरीका बीच हिलो मैदानमा सहजै र कौशलतापूर्वक खुट्टा चालेको देखेर भिओला डेभिडले मदुको प्रशंसा गर्दै ट्वीटरमा पनि लेखेका थिए ।
यतिसम्म कि, मदुको डान्सले न्युयोर्कस्थित एबिटी ज्याकलिन केनेडी ओनेसिस स्कुल अफ कला निर्देशक सिन्थिया हार्बेको ध्यान पनि खिच्यो । हार्बे क्षमताबाट प्रभावित बनिसकेकी थिइन् । फलस्वरुप हार्बेकै पहलमा अमेरिकन थिएटरमा डान्स सिक्न जान पाउने भए । यसरी उनी अमेरिकन ब्यालेट थिएटरमा २०२१ को समर स्कुलमा जाँदैछन् ।
नाइजेरियन निर्माता फेड उगुन्रोको ‘द बुकिङअफ्रिका’ले पनि विश्वको जुनसुकै स्थानमा, उनको सम्पूर्ण पढाइ खर्च तिरिदिने भएको छ । गत जुलाइमा मोदुले पनि साउथ अफ्रिकन अन्तर्राष्ट्रिय ब्यालेट प्रतिष्पर्धाको भर्चुअल इभेन्टमा ग्रान्ड उपाधि पाएका थिए । सोही पुरस्कारको एउटा सुविधा थियो अमेरिकी डान्स स्कुलमा डान्स सिक्न पाउनु ।
मदुले छोटो अवधिमै यतिको उपलब्धि पाएपछि अन्तर्राष्ट्रिय मिडियालाई अन्तर्वार्ता दिइसकेका छन् । सिएनएनसँग उनले आफू यसरी भाइरल बन्ने कहिल्यै योजना नबनाएको तर आफ्नो कामबाट खुसी भएको प्रतिक्रिया दिएका छन् ।
‘म अचम्ममा परेँ किनकि, मेरो भिडियो यसरी भाइरल बन्ला भन्ने कहिल्यै मेरो मस्तिष्कमा थिएन । सबभन्दा ठूलो कुरा त, जब मैले अमेरिकामा डान्स सिक्न जान पाउने ग्रान्ड उपाधि पाएँ । किनकि, धेरैले यो अवसर पाउँदैनन् । ईश्वरलाई म धन्यवाद दिन्छु,’ मदुले भनेका छन् ।
डान्स एकेडेमी :
मदुले २००६ मा एक यस्तै डान्स प्रतिष्पर्धा देखेपछि उनमा यसप्रतिको रुची विकास भएको थियो । खासमा उक्त प्रतिष्पर्धामा १२ जना विजेता नर्तकीहरुले आफ्नो अनुभव र लगाव सुनाएपछि त्यसबाछ उनी प्रभावित भएका थिए ।
त्यसपछि आफ्नी आमासँग यस डान्स सिक्न जाने कुरा सुनाए । पछि उनी ओजोस्थित डान्स सिक्न जान थाले । जहाँ २०१७ मा रकम तिर्न नसक्ने वा विपन्न बालबालिकालाई लक्षित गर्दै डानियल ओसेनी अजलाले निशुल्क ब्यालेट डान्स सेन्टर खोलेका थिए । अजला आफैँ एक घरेलु प्रशिक्षकको रुपमा केटाकेटीलाई डान्स सिकाउँथे । उनले मदुभित्र डान्सप्रतिको भोक यति धेरै देखे कि, उनले मदुकी आमालाई थप डान्स सिकाउन र प्रेरित गर्न भने ।
उनै प्रशिक्षकले मदुको डान्स रेकर्ड गरेका थिए । तर उनले पनि उक्त भिडियो यति तीव्र रुपमा विस्तारित होला भन्ने कहिल्यै सोचेकै थिएनन् । नाइजेरियामा कोभिड १९ का संक्रमित ५४ हजार भन्दा धेरै पुगेपछि स्कुलहरु बन्द भएका छन् । मदु र उनका साथीहरुले भने डान्स क्लास हप्ताको ६ दिन गर्छन् ।
‘जब सुरुमा डान्स थालेँ, त्यसबेला यो सजिलो लागेको होला जस्तो लागेको थियो, मलाई थाहा थिएन कि, यो त गाह्रो रहेछ । तर मैले कठिन मेहनत गरेँ । हरेक क्षण अजालाले हामीलाई सिकाउँथे । म अभ्यास गर्न घर जान्थेँ र फेरि डान्स सेन्टरमा उनलाई देखाउँथेँ,’ मदुले भने ।
मदु जस्तै अजला पनि किशोरावस्थामा ब्यालेट डान्समा रुची राख्थे । २००१ म उनले जब ‘सेभ द लास्ट डान्स’ हेरेपछि नाचप्रति रुची जागेको थियो । अहिले २९ वर्षीय उनी युट्युब हेरेर डान्स सिक्छन् । खासमा उनी कहिल्यै प्रशिक्षकको रुपमा तयार थिएनन् । बरु सिक्दै जाँदा यसप्रतिको लगावले उनलाई यसका तरिकाहरु सिक्न सजिलो भयो, डान्सको मायाले उनलाई आत्मबल बढायो । अहिले उनी आफ्नै घरमा डान्स सिकाउँछन् । हरेक दिन १२ बालबालिका स्कुल सकेर सिधै उनको घरमा डान्स सिक्न पुग्छन् ।
युवतीका लागि ब्यालेट :
जब उनले सुरुमा ब्यालेट सिकाउन थाले, त्यसपछि यो त युवतीले मात्रै नाच्ने नाच हो भन्दै उनलाई धेरैले गिज्याउन थाले । यस्तै यो अफ्रिकन डान्स हैन भनेर पनि उनको आलोचना भयो ।
‘यो अफ्रिकन डान्स हैन भन्ने धारणा पनि छ यहाँ । पुरुष डान्सर हुनु खराब हो । मानिसहरु सोच्छन् कि, ब्यालेट पुरुषका लागि बनेको हैन,’ उनले भने ।
ऐतिहासिक रुपमा ब्यालेट १७ शताब्दिमा सुरु भएको हो । जुन मौलिक रुपमा फ्रेन्च राजा लुइस १४औँ लगायत शासकहरुले सुरु गरेका थिए । पछिल्ला केही दशकदेखि यस क्षेत्रमा महिलाहरुको बाक्लो सहभागिता भयो । र ब्यालेट डान्स उद्योगको ठूलो हिस्सा महिलाले नै ओगटेका छन् । त्यसो त, ब्यालेट डान्स महिलाका लागि विशेष हो भन्ने विश्वास गरिन्छ ।
मदुले पनि यस्तै रुढीवादी सोचको सामना गर्नुपरेको थियो । जहाँ उनले पनि पुरुषले नाच्नु हुँदैन भन्ने धेरैतिर सुन्दैआए । यो डान्स महिलाका लागि बनेको भन्ने सुन्दा आफू निरुत्साही बन्ने गरेको सुनाउँछन् मदु । तै पनि आफैँ संघर्ष गर्न छाड्दैनन् ।
‘म भिन्न हुन चाहन्छु । अरु डाक्टर वकिल, बैंकर्स भए जस्तै म हुन चाहन्न,’ मदुले सुनाए । उनी नाइजेरिया जस्तो ठाउँमा ब्यालेट डान्स फस्टाउन सक्दैन भन्ने धारणा परिवर्तन गर्न पनि चाहन्छन् उनी । उनी पेशेवर रुपमै ब्यालेट डान्सर भएर समाजमा नयाँपन देखाउन चाहन्छन् ।
(सिएनएनबाट)
प्रतिक्रिया दिनुहोस !
