तेहरान : इरानले अन्तर्राष्ट्रिय आणविक सम्झौताको मापदण्ड विपरीत १० गुणा बढी युरेनियम संकलन तथा भण्डार गरेको संयुक्त राष्ट्रसंघले जनाएको छ ।
संयुक्त राष्ट्रसंघको अन्तर्राष्ट्रिय आणविक उर्जा एजेन्सी (आईईए) का अनुसार इरानको भण्डारमा अहिले २१०५ किलो युरेनियम छ । २०१५ को सम्झौत अनुसार त्यतिन्जेल इरानसँग ३०० किलोग्राम युरोनियम थियो ।
इरानले दुई स्थान नटानज र फोर्डोमा युरोनियम सम्बद्र्धन र उत्पादन गर्ने गरेको बताइन्छ । अझै एक स्थानको आणविक केन्द्र परीक्षण गरिनेछ । अर्को स्थानको नमुना अब लिने तयारीमा रहेको समाचार एजेन्सीले जनाएका छन् ।
यससँगै इरानले आणविक हतियार बनाउन सक्ला कि नसक्ला भन्ने बहस पनि सुरु भएको छ । विज्ञहरुका अनुसार इरानलाई परमाणु हतियार निर्माण गर्न १,०५० केजी युरेनियम आवश्यकता पर्छ । साथै यसबाट इन्धनको प्रयोग गरी विद्युत शक्ति निर्माण गर्न पनि सकिन्छ ।
तर अमेरिकाले सम्झौता विपरीत गएको भन्दै इरानमाथि आर्थिक नाकाबन्दी लगाउँदै आएको छ । सोही कारण अमेरिका र इरानी अधिकारीहरुबीच कडा टिप्पणी र विवाद उठ्ने गरेको छ ।
प्रतिक्रिया दिनुहोस !
