ग्रीसको आप्रवासी शिविरमा आगलागी भएपछि हजारौँ विस्थापित
एथेन्स : ग्रीसमा आप्रवासी बस्तीमा आगलागी भएपछि एक हजार भन्दा धेरै मानिस विस्थापित भएक छन् ।
ग्रीसको लेस्बोसस्थित मोरिया आप्रवासी शिविरमा आगलागी भएको हो । कोरोनाभाइरस संक्रमणविरुद्ध लकडाउन लगाइएको उक्त आप्रवासी बस्तीमा १२ हजार भन्दा धेरै आप्रवासीले आश्रय लिइरहेका थिए ।
शिविरको भित्र र बाहिरको क्षेत्रमा आगो फैलिएपछि स्थानीयका घर क्षतिग्रस्त भएका छन् । तर लकडाउनका कारण यस क्षेत्रमा केही दिनदेखि नै जनजीवन कष्टकर बन्दैथियो । रातको समयमा अचानक सुरु भएको आगलागीबाट मानवीय क्षति भने नभएको बताइएको छ ।
स्वास्थ्यकर्मीहरुले भने मंगलबारसम्म शिविरमा कम्तिमा ३५ जनामा कोरोना संक्रमण भएको बताएका थिए । आगलागीपछि प्रहरी र अन्य सुरक्षाकर्मीहरु घटनास्थलमा खटिएका छन् ।