कम्युनिस्ट पार्टीका नेतासहित पाँच जनाविरुद्ध दिल्लीमा दंगा भड्काएको अभियोग
नयाँदिल्ली : भारतीय कम्युनिस्ट पार्टी (मार्क्सवादी)का महासचिव सीताराम येचुरी, अर्थशास्त्री जयती घोष, दिल्ली विश्वविद्यालयका प्रध्यापक अपूर्वानन्द, फिल्म निर्माता राहुल राय र स्वराज अभियानका नेता योगेन्द्र यादवमाथि दंगा भड्काएको भन्दै अदालतले दोषी ठहर गरिएको छ ।
२०२० को फेब्रुअरी २३ देखि २६ सम्म भएको दिल्ली दंगामा सघाएको भन्दै उनीहरु पाँच जनालाई अदालतले दोषी ठहर गरेको छ । नेताहरुले भने भारतको संविधानले शान्तिपूर्ण प्रदर्शन गर्ने हक दिएको भन्दै सरकारको आलोचना गरेका छन् । महासचिव येचुरीले दिल्ली प्रहरीको कडा आलोचना गरेका छन् । सामाजिक सञ्जालमा लेख्दै उनले भाजपा सरकारको पनि कडा आलोचना गरे ।
यस्तै स्वराज अभियानका नेता योगेन्द्र यादव लगायत नेताहरुले आफूमाथिको अभियोग सरासर गलत भएको भन्दै विरोध जनाए । यस्तै भारतको सर्वोच्च अदालतका वकिल प्रशान्त भूषणले दंगा फैलाएको आरोपमा उनीहरुलाई पक्राउ गर्नु हास्यास्पद भएको प्रतिक्रिया दिएका छन् ।
‘यसले दिल्ली दंगामा दिल्ली पुलिसको द्वेषपूर्ण स्वभावलाई प्रमाणित गर्दछ। सीताराम येचुरी, योगेन्द्र यादव, जयती घोष र प्राध्यापक अपूर्वानन्दलाई दंगा फैलाउने आरोप लगाउनु हास्यास्पद हो,’ प्रशान्तले सामाजिक सञ्जालमा लेखेका छन् ।
सन् २०२० फेब्रुअरी २३ देखि २६ सम्म दिल्लीमा भएको प्रदर्शनको क्रममा ५३ जनाको मृत्यु भएको थियो । प्रहरीको रिपोर्ट अनुसार मृत्यु भएकामध्ये ४० जना मुस्लिम र १३ हिन्दू थिए।