बैतडी : बैतडीमा कोरोनाका सक्रिय संक्रमित घट्दै गएका छन् । अहिले जिल्लामा कोरोनाका एकजना मात्रै सक्रिय संक्रमित छन् । जिल्लाको पाटन नगरपालिकामा मात्रै एकजना बिरामी रहेको स्वास्थ्य कार्यालय बैतडीका कोभिड १९ सम्पर्क व्यक्ति भुवनप्रसाद जोशीले जानकारी दिए । जिल्लाका ३७५ जना कोरोना संक्रमतिमध्ये एकजना मात्रै सक्रिय संक्रमित रहेको उनले बताए । ३७४ जना डिस्चार्ज भइसकेका उनले बताए ।
तत्कालका लागि ९ वटा स्थानीय तहमा कोरोना सक्रिय संक्रमित शून्य रहेको जोशीले जानकारी दिए । जिल्लाको पाटन नगरपालिका बाहेकका सबै स्थानीय तह तत्कालका लागि कोरोनामुक्त भएका छन् ।
जिल्लाको दशरथचन्द नगरपालिकामा ४६, पाटन नगरपालिकामा ४४, मेलौली नगरपालिकामा ३३ र पुर्चौंडी नगरपालिकामा १० जनामा कोरोना पुष्टि भएको थियो । यस्तै पञ्चेश्वर गाउँपालिकामा ६०, सुर्नया गाउँपालिकामा २८, दोगडाकेदार गाउँपालिकामा ४५, डिलाशैनी गाउँपालिकामा ८, सिगास गाउँपालिकामा ५१ र शिवनाथ गाउँपालिकामा ५० जनामा कोरोना पुष्टि भएको थियो ।
पाटन नगरपालिकाका १ जना बाहेक सबै संक्रमणमुक्त भए घर फर्किसकेका छन् ।
प्रतिक्रिया दिनुहोस !
