स्याङजा : स्याङ्जामा अवैधरुपमा राखिएको भरुवा बन्दुकसहित २ जना पक्राउ परेका छन्। पुतलीबजार नगरपालिका ७ ठूलाडिकीका ६९ वर्षीय भीमबहादुर ठकुरी र ६० का ओमबहादुर हमाल भरुवा र बोर बन्दुक सहित आइतबार पक्राउ परेका हुन्।
प्रशासनिक इजाजत नलिइकन उनीहरुका घरमा लुकाइ राखेको अवस्थामा भरुवा बन्दुक भेटिएको जिल्ला प्रहरी कार्यालय स्याङ्जाका प्रवक्ता डिएसपी राजेन्द्र प्रसाद अधिकारीले जानकारी दिए।
ठकुरीको घरबाट एउटा भरुवा बन्दुक र अर्को एक नाले १२ बोरको बन्दुक भेटिएको हो । सोसंगै टोटा दुई थान, दुईवटा खालाी टोटा, बारुद आठ सय ८० ग्राम, फलामको छर्रा ९८ थान, केप थान ६८ थान, ग्रिस डिव्वा र फलामको पाता एक एक थान बरामद गरिएको प्रहरी जनाएको छ ।
यसैगरी, हमालको घरबाट २ वटा एक नाले भरुवा बन्दुक, बारुद २६ ग्राम, पटका ४८ थान, केप थान ८० र छर्रा बाह्र थान बरामद भएको बताइएको छ। पक्राउ परेका दुवैलाई हातहतियार खरखजना सम्वन्धी कसूर मुद्धा दर्ता गरी जिल्ला अदालतबाट २५ दिनको म्याद थप भएको प्रहरीले जनाएको छ ।
प्रतिक्रिया दिनुहोस !
