नयाँदिल्ली : जेएनयूका पूर्वविध्यार्थी नेता उमर खलिदलाई साम्प्रदायिक हिंसा मच्चाउन भूमिका रहेको भन्दै प्रहरीले पक्राउ गरेको छ ।
गत फेब्रुअरीमा नागरिकता विधेयकको विरोधमा आन्दोलनमा सहभागी भएका खलिद आइतबार साँझ पक्राउ परेका हुन् । खलिद सहित अरु थुप्रै नेता तथा अगुवा संलग्न उक्त आन्दोलन हिंसात्मक प्रदर्शनमा परिणत भएको थियो । उत्तरपूर्वी दिल्लीस्थित गत फेब्रुअरीमा भएको त्यस आन्दोलनका अरु राजनीतिज्ञलाई पनि दिल्ली पुलिसले पक्राउ गरिसकेको छ ।
खलिदलाई आन्दोलनको एक ‘षड्यन्त्रकारी’ भएको र हिंसामा सहभागी भएको भन्दै व्याख्या गरिएको छ । भारतीय मिडियाका अनुसार उनीविरुद्ध प्रहरीले केही दिनमै मुद्दा दायर गर्नसक्छ ।
भारतीय कम्युनिस्ट पार्टीका महासचिव सीताराम यचुरी, जयती घोष, दिल्ली युनिभर्सिटीका प्राध्यापक अपूर्वानन्द, स्वराज अभियानका नेता योगेन्द्र यादव र फिल्म मेकर राहूल रोयलाई पक्राउ गरेको केही दिनको अन्तरमै दिल्ली प्रहरीले विद्यार्थी नेता उमर खदिललाई पक्राउ गरेको हो ।
प्रतिक्रिया दिनुहोस !
