बैतडी : बैतडीमा कोरोना संक्रमितको संख्या ३८५ पुगेको छ । शुक्रबार डडेल्धुरा प्रयोगशालामा गरिएको परीक्षणमा थप २ जनामा कोरोना पुष्टि भएसँगै जिल्लामा संक्रमितको संख्या ३८५ पुगेको हो । सुर्नया गाउँपालिका ७ का ३४ वर्षीया महिला र मेलौली नगरपालिका ३ का ४० वर्षीय पुरुषमा कोरोना पुष्टि भएको स्वास्थ्य कार्यालय बैतडीका कोभिड १९ सम्पर्क व्यक्ती भुवनप्रसाद जोशीले जानकारी दिए।
संक्रमण पुष्टि भएका दुबैजना भारतबाट फर्किएर होम क्वारेन्टाइनमा बसिरहेका जनाइएको छ । ती दुबैजनाको स्वास्थ्य अवस्था सामान्य रहेको जनाइएको छ । यसैबीच जिल्लाम हाल सक्रिय संक्रमितको संख्या १० रहेको छ । दशरथचन्द नगरपालिकाका ६, डिलाशैनी गाउँपालिका २, मेलौली नगरपालिका र सुर्नया गाउँपालिकाका १/१ जना मात्रै सक्रिय संक्रमित रहेका स्वास्थ्य कार्यालय बैतडीले जनाएको छ ।
२ जनामात्रै संस्थागत आइसोलेसनमा
जिल्लामा सक्रिय संक्रमित १० जनामध्ये दुईजनामात्रै संस्थागत आइसोलेसनमा बसेका छन् । डिलाशैनी गाउँपालिका २ जना संक्रमित मात्रै संस्थागत आइसोलेसनमा बसीरहेका स्वास्थ्य कार्यालयका कोभीड १९ सम्पर्क व्यक्ति भुवनप्रसाद जोशीले बताए ।
जिल्लामा अन्य ८ जना संक्रमित होम आइसोलेसनमा बसिरहेका उनले बताए । बाँकी ३७५ जना डिस्चार्ज भइसकेका छन् । बैतडीमा ३८५ जनामा संक्रमण पुष्टि हुँदा सबैभन्दा बढी पञ्चेश्वर गाउँपालिकाका ६० जनामा संक्रमण पुष्टि भएको छ । यस्तै दशरथचन्द नगरपालिकाका ५२, सिगास गाउँपालिकाका ५१, शिवनाथ गाउँपालिकाका ५०, दोगडाकेदार गाउँपालिकाका ४५, पाटन नगरपालिकाका ४४ जनामा संक्रमण पुष्टि भइसकेको छ ।
यस्तै मेलौली नगरपालिकाका ३४, सुर्नया गाउँपालिकाका २९, पुर्चौंडी नगरपालिकाका १० र डिलाशैनी गाउँपालिकाका १० जनामा संक्रमण पुष्टि भएको छ। जिल्लामा गत जेठ ९ गते पहिलोपटक एक थुनुवामा संक्रमण पुष्टि भएको थियो ।
प्रतिक्रिया दिनुहोस !
