बेइजिङ : चीनको दक्षिणपश्चिम क्षेत्रस्थित एउटा कोइला खानीमा कार्बन मोनोअक्साइडका कारण १६ कामदारको मृत्यु भएको छ । एकजनाको अवस्था गम्भीर छ ।
आइतबार बिहानै खानीमा आगोलागी भएकोले केही घण्टापछि त्यहाँबाट उत्पादन भएको विषाक्त कार्बन मोनोअक्साइडले गर्दा सुरुङभित्रका कामदारको मृत्यु भएको बताइएको छ । चिनियाँ टेलिभिजन च्यानल सिसिटिभीका अनुसार घटनास्थलमा बाँच्न सफल भएकाहरुको जीवन सुरक्षित बनाउन उद्धारकर्मी खटिएका छन् ।
साथै दुर्घटनाको कारण पत्ता लगाउन अझै छानविन भइरहेको बताइएको छ । चोंकिङ सहर नजिकैको सोंग्जाओ कोइला खानी राज्य सञ्चालित कम्पनी हो । हरेक वर्ष चिनियाँ कोइला खानीमा यस्ता दुर्घटना बारम्बार भइरहेका छन् । कमजोर सुरक्षा व्यवस्था र निगरानीको अभावमा यस्ता घटना हुने गरेको बताइन्छ ।
गत डिसेम्बरमा दक्षिण पश्चिम गुइझाओ प्रान्तमा मात्रै ग्यास विस्फोट र कोइला खानीभित्र कम्तिमा १४ जनाको मृत्यु भएको थियो । यस्तै २०१८ को डिसेम्बरमा ७ जना खानी कामदारको मृत्यु भयो भने अक्टोबरमा पूर्वी शांग्दोङमा २१ ज्ना खानी कामदारको मृत्यु भएको थियो ।
प्रतिक्रिया दिनुहोस !
