काठमाडौं : गीतकार ज्योति गुरुङको शब्द रहेको ‘यो कस्तो माया’ बोलको गीतको भिडियो सार्वजनिक भएको छ।
प्रेम वियोगको विषयमा गीतहरू लेख्न रुचाउने गीतकार गुरुङकै च्यानल जेजी क्रिएसनबाट सार्वजनिक भिडियोमा प्रेममा धोका पाएकी युवतीको कथा देखाइएको छ। गीतमा गायिका मेलिना राईको स्वर छ। संगीत अर्जुन सुनमको रहेको छ। एउटी नारीले आदर्श प्रेमको विश्वासमा परेर पुरुषबाट पाएको धोकालाई निर्देशक कुशल श्रेष्ठले कलात्मक शैलीमा प्रस्तुत गरेका छन्।
भिडियोमा अभिनेता ध्रुव दत्त, नीरू कोइराला र आस्था जोशी बटाजूको अभिनय देख्न सकिन्छ।
प्रतिक्रिया दिनुहोस !
