कोरोना संक्रमणबाट विश्वभर मृत्यु हुनेको संख्या १० लाख नाघ्यो

कोरोना संक्रमणबाट विश्वभर मृत्यु हुनेको संख्या १० लाख नाघ्यो

न्यूयोर्क: महामारी कोरोना भाइरस (कोभिड–१९) संक्रमणबाट मृत्यु हुनेको संख्या १० लाख नाघेको छ। जोन्स हप्किन्स विश्वविद्यालयको तथ्यांकअनुसार मंगलबार बिहानसम्ममा विश्वभर १० लाख ५५५ कोरोना संक्रमितको ज्यान गएको हो।

सबभन्दा बढी संक्रमित रहेका अमेरिका मृतक संख्यामा पनि अगाडि रहेको छ। हालसम्म अमेरिकामा २ लाख ५ हजार बढीको मृत्यु भइसकेको छ। त्यस्तै ७१ लाख ४७ हजार ७५१ संक्रमित भइसकेका छन्। जसमध्ये २७ लाख ९५ हजार बराबर निको भएका छन्।

अमेरिकापछि ब्राजिलमा सबभन्दा बढी कोरोना संक्रमितको ज्यान गएको छ। हालसम्म ब्राजिलमा १ लाख ४२ हजार ५८ संक्रमितको ज्यान गइसकेको हो। संक्रमित संख्याका आधारमा तेस्रो बढी ग्रसित रहेको ब्राजिलमा हालसम्म ४७ लाख ४५ हजार ४६४ संक्रमित भइसकेका छन्। निको हुने अनुपात भने अमेरिकामा भन्दा बढी रहेको छ। हालसम्म ब्राजिलमा ४१ लाख ९७ हजार ३७२ निको भइसकेका छन्।

यसैगरी भारतमा ९५ हजार ५४२ कोरोना संक्रमितको मृत्यु भइसकेको छ। दोस्रो बढी संक्रमित संख्या रहेको भारतमा ५० लाख १७ हजार बराबर निको भइसकेका छन्।

भारतपछि मेक्सिको, बेलायत लगायतका मुलुकमा मृतक संख्या बढी रहेको छ।
 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.