रौतहट : बाघको आक्रमणबाट मंगलबार राती रौतहटको चन्द्रपुरका दुईजना युवक घाइते भएका छन् । मंगलबार दिउँसोदेखि जंगलमा हराइरहेका चन्द्रपुर ६ चिम्नीटोलका २८ वर्षीय संगम भण्डारीलाई खोज्न गएकालाई राती बाघले आक्रमण गरेको हो ।
हराइरहेका युवकलाई पनि बाघले आक्रमण गरेको हुनसक्ने गाउँलेको अनुमान छ। बाघको आक्रमणबाट घाइते हुनेमा चन्द्रपुर ६ का २८ वर्षीय अशोक थापा , ३५ वर्षीय प्रबिण श्रेष्ठ रहेका छन् ।
घाँस लिन गएका भण्डारी दिउँसोदेखि हराएपछि गाउँका १०/१२ जना युवाहरु राती खोज्न गएका थिए । खोज्न गएका युवालाई सतेरी जंगलको तीनकुवा जंगल क्षेत्रमा बाघले आक्रमण गरेको स्थानीयले बताए।
बाघको आक्रमणबाट पाखुरा,छाती, हातमा चोट लागेको छ। हराएका भण्डारीको बुधबार बिहानसम्म अवस्था अज्ञात छ।
प्रतिक्रिया दिनुहोस !
