सन्धिखर्क : सन्धिखर्क नगरपालिकाले कृषकलाई उन्नत जातका तरकारीको वीउ वितरण गर्न सुरु गरेको छ । कृषकहरुको मागको आधारमा ५० प्रतिशत अनुदानमा बन्दा, फूल काउली, ब्रो काउली, प्याज र केराउको वीउ वितरण गर्न सुरु गरिएको कृषि शाखा प्रमुख राजेन्द्र भट्टराईले जानकारी दिए ।
कृषकलाई वीउ हस्तान्तरण गर्दै सन्धिखर्क नगरपालिकाका नगर प्रमुख कमल प्रसाद भुसालले कृषिको विकासबिना आर्थिक समृद्धि नहुने भएकाले तरकारीको वीउ वितरण गरेको बताए । उनले उत्पादन गर्ने कृषकलाई नगरपालिकाले सहयोग गर्न कुनै कसुर बाँकी नराख्ने बताए ।
सन्धिखर्क नगरपालिकाका नगर उपप्रमुख ठाकुर कुमार विकले कषि पेशालाई निर्वाहमुखीबाट व्यवसायिक बनाउन सबैलाई आग्रह गरे । कार्यक्रम कृषि शाखा प्रमुख राजेन्द्र भट्टराईको सञ्चालनमा सम्पन्न भएको हो ।
प्रतिक्रिया दिनुहोस !
