काठमाडौं : १६ वर्षअघि इराकमा १२ नेपालीको बीभत्स हत्या गरिएको घटनालाई आधार बनाएर गायक रिजन गिरीले नयाँ म्युजिक भिडियो ‘दसैं’ सार्वजनिक गरेका छन्। गीतमा गायक रिजन र उनकी आमा गंगा गिरीको शब्द, संगीत र स्वर रहेको छ। गीतलाई सम्पूर्ण ताम्राकारले संगीत संयोजन गरेका हुन्।
खुसी र सुखी हुने सपना देखेर परदेसिएका नेपालीको भावना गीतमा सुन्न सकिन्छ। म्युजिक भिडियोमा लक्ष्मी गिरी, कुशेन्द्र पुरुष ढकाल, रिजन गिरी र एलिजा न्यौपाने गिरीको मुख्य भूमिका रहेको छ भने अन्य सहायक कलाकारको अभिनय म्युजिक भिडियोमा देख्न सकिन्छ।
सृजन प्रजापतिले छायांकन गरेको भिडियो निश्चलजंग कार्कीले सम्पादन गरेका हुन्। रिजनको परिकल्पना र कथा रहेको भिडियोलाई अनिल न्यौपानेको निर्देशनमा तयार पारिएको हो। गायक गिरीकै युट्युब च्यानल रिजन गिरीमार्फत भिडियो सार्वजनिक भएको हो। गायक गिरीले अग्रिम रूपमा सबै नेपालीलाई दसैंको शुभकामनासमेत व्यक्त गर्दै भिडियो हेरेर प्रतिक्रिया दिन गरेका छन्।
प्रतिक्रिया दिनुहोस !
