बेइजिङ : चिनियाँ राष्ट्रपति सी जिनपिङले बंगलादेशका नेताहरुसँग दुई देशको रणनीतिक साझेदारीलाई नयाँ उचाइमा पुर्याउन बहुआयामिक अर्बौँ डलरको बेल्ट एन्ड रोड इनिसिएटिभको निर्माणलाई संयुक्त रुपमा प्रोत्साहित गर्न आफू तयार रहेको बताए ।
नेता सीले बंगलादेशसँग द्वीपक्षीय कुटनीतिक सम्बन्धको ४५औँ स्थापना दिवसको अवसरमा आइतबार बंगलादेशी समकक्षी मोहम्मद अब्दुल हमिदलाई बधाइ दिने क्रममा यस्तो प्रतिक्रिया दिएका हुन् ।
सीले आफ्नो सन्देशमा स्थीर र दिर्घकालिन मित्रताको पक्षमा रहेको भन्दै बंगलादेशसँगको रणनीतिक विकासका लागि हमिदसँग अझै काम गर्न तयार रहेको बताएका थिए । चिनियाँ मिडियाले जनाए अनुसार बीआरआई अन्तरगत सहयोग बढाउन र चीन–बंगलादेश रणनीतिक, साझेदारी सहकार्यलाई नयाँ उचाइमा पुर्याउन चीन छ ।
२६ बिलियन अमेरिकी डलर भन्दा धेरै लगानी र ३८ बिलियन डलर अनुदान प्रतिवद्धता ग्रहण गर्ने बंगलादेश चीनबाट विशाल पूर्वाधार परियोजना प्राप्त गर्ने एक प्रमुख देश हो । यस्तै चीनले बंगलादेशी ९७ प्रतिशत निर्यातमा शुन्य सीमा कर सहित खरिद गर्ने प्रतिवद्धता पनि दिएको छ । चीनको वहुआयामिक तथा महत्वाकांक्षी परियोजना मानिएको बीआरआईले एसियादेखि यूरोप र अफ्रिकासम्म सिल्क रोड व्यापारिक मार्ग खुलाउनेछ ।
प्रारम्भिक चरणमा यसलाई ‘वान बेल्ट वान रोड, ओबीओआर’बाट चिनिने यस परियोजना भारतसँग पछिल्लो समय विवादको मुख्य मुद्दा बनेको छ । जब कि, यसको एक करिडोर पाकिस्तान शासित कश्मीर हुँदै जान्छ ।
पाकिस्तान वाहेक चीनले ६० बिलियन डलर भन्दा धेरै रकमको ‘चाइना पाकिस्तान आर्थिक करिडोर’को पहल गरेको छ । यससँगै चीनले बंगलादेश, नेपाल, श्रीलंका र माल्दिभ्समा संरचना निर्माणका लागि विशाल लगानी गरेको छ । बंगलादेश, नेपाल लगायत देशमा चीनले यसअघि कोरोनाभाइरस नियन्त्रणका लागि पनि स्वास्थ्य टोली पठाएको थियो ।
प्रतिक्रिया दिनुहोस !
