सिरहा : बोक्सी आरोप लगाएर महिलालाई कुटपिट गर्ने एकजना फरार प्रतिवादीलाई प्रहरीले पक्राउ गरेका छन्। पक्राउ पर्नेमा सिरहाको सीमाबर्ती नवराजपुर गाउँपालिका-५ का २० वर्षीय सन्तोष यादव रहेका छन्। यादवलाई प्रहरीले भगवानपुर गाउँपालिकाको ठाढीबाट पक्राउ गरेको हो।
पक्राउ परेका यादवसँग ८ जनामाथि जिल्ला प्रहरीमा बोक्सी कसुर सम्बन्धी मुद्दा दर्ता भएको छ। सात जना अझै फरार छन्। जिल्ला प्रहरी कार्यालय सिरहाका प्रवक्ता तथा डिएसपी शालिग्राम शर्माका अनुसार गत भदौ २७ गते सोही ठाउँका मुर्तिदेवी यादवलाई प्रतिवादीहरुले बोक्सी आरोप लगाएर कुटपिट गरेका थिए।
आरोपितहरुले मुर्तिदेवीलाई धर्मनाथ यादवको घरमा बोलाएर लगी सामुहिक रुपमा कुटपिट गरेको थिए। कुटाईबाट २ वटा दाँत भाँचिएको छ। अन्य फरार आरोपितहरुको खोजतलास भइरहेको प्रहरीले जनाएको छ। कुटाईबाट घाइते भएकी यादव उपचारपछि गाउँ फर्केको छ तर, पहिलेको अवस्थामा छैन् । बोल्न सकिरहेको छैन्।
प्रतिक्रिया दिनुहोस !
