इन्जिनियर्स एशोसिएसनका पूर्वअध्यक्ष देवकोटाको कोरोनाले मृत्यु
असोज २५, २०७७ आइतबार १५:१५:०
गोरखा : नेपाल इञ्जिनियर्स एशोसिएसनका पूर्वअध्यक्ष सरोज देवकोटाको कोरोना भाइरस (कोभिड–१९) संक्रमणका कारण निधन भएको छ ।
श्वासप्रश्वासमा समस्या देखिएपछि बिपी स्मृति अस्पताल बसुन्धरामा भर्ना भएका देवकोटाको ११ दिनपछि आइतबार बिहान निधन भएको परिवारीक स्रोतले जानकारी दिएको छ ।
देवकोटा पूर्वाञ्चल क्याम्पसका प्रथम क्याम्पस प्रमुख, गोरखा काठमाडौं प्रजातान्त्रिक समाजका पूर्वअध्यक्ष, सीटीइभीटीका पूर्वउपाध्यक्ष, सेण्टर फर डेमोक्रेटिक इन्जिनियर्स नेपालका संस्थापक अध्यक्ष तथा भवानी मावि पालुङ्टारका विद्यालय व्यवस्थापन समितिका पूर्वअध्यक्षसमेत हुन् ।
पालुङ्टार नगरपालिका ३ पण्डित गाउँ घर भएर अहिले काठमाडौं बसुन्धरा बस्दै आएका ६२ वर्षीय देवकोटाका एक छोरा, एक छोरी र श्रीमती छन् ।
प्रतिक्रिया दिनुहोस !
