काठमाडौं : नेपाली सांगीतिक क्षेत्रकै हिट गीत काले केटाको सफलतापछि गायिका दुर्गा खरेलले यसकै सिक्वेल श्रोतामाझ ल्याएकी छन्। उनले नयाँ गीत ‘काले केटा म हिँड्दा खेरी हिँड्छ’ शनिबार रिलिज गरेकी छन्।
दुर्गालाई यसपटक गायक प्रताप दासले साथ दिएका छन्। अर्जुन पोखरेलको संगीत र संगीत संयोजन गरेको गीतमा ध्रुवप्रसाद अमगार्इंको शब्द छ। भिडियोमा पल शाह, आकाश श्रेष्ठ र पूजा शर्माले पहिलो पटक एकैसाथ स्क्रिन सेयर गरेका छन्।
कथानक शैलीमा प्रस्तुत गरिएको भिडियो रिलिज हुनासाथ युट्युबको ट्रेन्डिङमा परेको छ। माधव शर्माको सहायक निर्देशनमा तयार भडियोमा शंकर शाही ठकुरीको पनि अभिनय छ। पछिल्लो समयका व्यस्त निर्देशक विधान कार्कीले निर्देशन गरेको भिडियोमा सुरेन्द्र बसेलको नृत्य निर्देशन, विकास दाहालको सम्पादन र उत्सव दाहालको छायांकन रहेको छ। निर्देशक विधान कार्कीको निर्देशनमा बनेका ‘मैले बोलेको छैन’, ‘मेरो देश नेपाल’, ‘भुर भुर पुतली’, ‘आखाँमा बसाऊ मलाई’, र ‘नबोली नबोली’ बोलका भिडियोले आकर्षक भ्युज पाएका छन्।
प्रतिक्रिया दिनुहोस !
