ट्रम्पका १४ वर्षीय छोरालाई पनि कोरोना संक्रमण, तर लक्षण देखिएन
वासिङटन : अमेरिकी राष्ट्रपति डोनल्ड ट्रम्पका १४ वर्षीय छोरा ब्यारोनलाई पनि कोरोनाभाइरसको संक्रमण पुष्टि भएको छ ।
तर यसका कुनै लक्षण नदेखिएको बताइएको छ । जब कि, ट्रम्प र उनकी पत्नी मेलानिया दुबै संक्रमित भइसकेका छन् । मेलानियाले बुधबार विज्ञप्ति मार्फत यस्तो जानकारी दिएकी हुन् । ‘भाग्यवश उ कलिलो किशोर हो र कुनै लक्षण दखिएको छैन,’ मेलानियाले बताइन् । मेलानियाका अनुसार उनीसँगै कोभिड १९ परीक्षण गर्ने क्रममा ब्यारोनलाई संक्रमण देखिएको थिएन ।
डोनल्ड ट्रम्पले डेस मोइनेसमा भएको चुनावी र्यालीको क्रममा ब्यारोन अहिले ठीक भएको बताए । साथै यसलाई उनले स्कुल खोल्नुपर्ने उदाहरणको रुपमा पनि अथ्र्याएका थिए । ट्रम्पले अमेरिकामा कोरोना महामारीका बावजुद स्कुल खोल्नुपर्ने भन्दै बारम्बार भन्दैआएका छन् ।
‘उसलाई यो भएको कुरा उसलाई थाहा छ जस्तो पनि लाग्दैन मलाई । किनकि, उनीहरु युवा छन् र उनीहरुको रोग प्रतिरोधी क्षमता बलियो छ । र उनीहरु यसविरुद्ध लड्न सक्छन् । यसैले अब बच्चाहरुलाई स्कुल पठाउँ,’ ट्रम्पले भनेका छन् ।
मेलानियाले पनि आफूलाई न्युन लक्षण मात्रै देखिएको बताइन् । साथै उनले आफूले फस्र्ट लेडीको रुपमा सकेसम्म चाँडै आफ्नो काम गर्ने बताइन् । ‘मैले खोकी, शरीर र टाउको दुखाइको अनुभव गरेँ, र धेरैजसो समय एकदमै थाकेको महसुश गरेँ । तर म औषधिको सट्टा धेरै प्रकृतितिर नजिक गएँ, विकल्पमा स्वस्थ खाना र भिटामिनका खाना खाएँ,’ मेलानियाले भनेकी छन् ।
डोनल्ड ट्रम्प र मेलानियालाई एकैपटक संक्रमण भएपछि अक्टोबर २ देखि तीन रात मात्रै सैन्य हस्पतालमा बिताएका थिए ।
भाइरसको उपचारका लागि ट्रम्पले प्रयोगात्मक एन्टिबडी थेरापीको अभ्यास गरेको बताइन्छ । मेलानियाले भने परिवारका तीनैजनालाई एकै पटक संक्रमण हुँदा एकअर्कामा सँगै केयर गर्न पाएकोमा खुसी भएको बताइन् ।