काठमाडौं : गायिका सुमिता राईले आफ्नो डेब्यु एल्बम ‘सगुन’मा संग्रहित ‘वाचा बन्धन’गीतको भिडियो सार्वजनिक गरेकी छन्। यस गीतका गीतकार मुकेश राई हुन्। संगीतकार मन थुलुङले संगीतकार भरेका छन्।
निर्देशक भूपेन्द्र तुम्बाहाङफेले निर्देशन गरेको भिडियोमा विश्व लिम्बू, मलाइका बस्नेत र सुजाता थुलुङ राईले अभियन गरेका छन्। प्रेम वियोगको गीत भए पनि अहिलेको कठिन परिस्थितिमा भएका कतिपय घटनाक्रमलाई पृथक् ढंगले भिडियोमा देखाइएको निर्देशक तुम्बाहाङफेले बताए।
खोटाङ बाक्सिलाकी गायिका राई बेलायतको ननिटनमा बस्दै आएकी छन्। सानै उमेरदेखि नृत्य र गायनमा रुचि राख्ने उनले प्रवासमा रहेर त्यसलाई निरन्तरता दिएकी छन्। देशबाहिर आएपछि चाहेजति संगीतलाई समय दिन नसकिएको उनको भनाइ छ।
प्रतिक्रिया दिनुहोस !
