बैतडी : हाल बैतडीमा कोरोनाका २४ जना मात्रै सक्रिय संक्रमित रहेका छन् । ४६८ जना संक्रमितमध्ये ४४३ कोरोनामुक्त भइसकेका छन् ।
संक्रमितमध्ये एक जनाको ज्यान गएको छ ।
जिल्लामा सबैभन्दा बढी दशरथचन्द नगरपालिकामा ६ जना सक्रिय संक्रमित रहेका स्वास्थ्य कार्यालयका कोभिड १९ सम्पर्क व्यक्ति भुवनप्रसाद जोशीले जानकारी दिए ।
यस्तै पाटन नगरपालिकामा ५ जना सक्रिय संक्रमित रहेका छन् भने मेलौली नगरपालिकामा ४ जना सक्रिय संक्रमित रहेका छन् । जिल्लाको सुर्नया गाउँपालिकामा ३ जना सक्रिय संक्रमित रहेका छन् । त्यस्तै डिलाशैनी गाउँपालिकामा २ जना सक्रिय संक्रमित रहेका छन् ।
यसैगरी सिगास, शिवनाथ, पञ्चेश्वर र दोगडाकेदार गाउँपालिकामा १÷१ जना सक्रिय संक्रमित रहेका स्वास्थ्य कार्यालयले जनाएको छ । हाल पुर्चौंडी नगरपालिकामा भने सक्रिय संक्रमित रहेका छैनन् ।
कोरोना भाईरसको जोखिम कायमै रहेकाले स्वास्थ्य सुरक्षा सतर्कताका मापदण्ड अपनाउन स्वास्थ्यकर्मीहरुले आग्रह गरेका छन् । चाडपर्वका बेला बढी भीडभाड गरेमा कोरोना भाईरसको जोखिम हुने भएकाले घरमै बसेर चाडपर्व मनाउन उनीहरुले आग्रह गरेका छन् ।
प्रतिक्रिया दिनुहोस !
