बैतडी : बैतडीमा थप तीनजना डिस्चार्ज भएसँगै कोरोना भाइरसका सक्रिय संक्रमितको संख्या २१ रहेको छ । सुर्नया गाउँपालिकाका ३ जना डिस्चार्ज भएसँगै जिल्लामा सक्रिय संक्रमितको संख्या २१ रहेको स्वास्थ्य कार्यालयका कोभीड १९ सम्पर्क व्यक्ति भुवनप्रसाद जोशीले जानकारी दिए ।
तत्कालका लागि सुर्नया गाउँपालिका र पुर्चौंडी नगरपालिकामा सक्रिय संक्रमित छैनन् । जिल्लामा सबैभन्दा बढी दशरथचन्द नगरपालिकामा ६ जना सक्रिय संक्रमित रहेका स्वास्थ्य कार्यालयका कोभिड १९ सम्पर्क व्यक्ति जोशीले जानकारी दिए ।
यस्तै पाटन नगरपालिकामा ५ जना सक्रिय संक्रमित रहेका छन् भने मेलौली नगरपालिकामा ४ जना सक्रिय संक्रमित रहेका छन् । जिल्लाको डिलाशैनी गाउँपालिकामा २ जना सक्रिय संक्रमित रहेका छन् ।
यस्तै सिगास, शिवनाथ, पञ्चेश्वर र दोगडाकेदार गाउँपालिकामा १/१ जना सक्रिय संक्रमित रहेका स्वास्थ्य कार्यालयले जनाएको छ । बैतडीमा ४६८ जना संक्रमित मध्ये ४४६ जनाले कोरोना जितेका छन् भने १ जनाको मृत्यु भएको छ ।
कोरोना भाइरसको जोखिम कायमै रहेकाले स्वास्थ्य सुरक्षा सतर्कताका मापदण्ड अपनाउन स्वास्थ्यकर्मीले आग्रह गरेका छन् । चाडपर्वका बेला बढी भीडभाड गरेमा कोरोना भाइरसको जोखिम हुने भएकाले घरमै बसेर चाडपर्व मनाउन स्वास्थ्यकर्मीको आग्रह छ।
प्रतिक्रिया दिनुहोस !
