बैतडी : बैतडीमा ट्याक्टरबाट खसेर एक बालकको मृत्यु भएको छ । मेलौली नगरपालिका–८ बस्ने ५ वर्षीय आयुष विष्टको ट्याक्टरबाट खसेर मृत्यु भएको प्रहरीले जनाएको छ ।
मेलौलीको रायल्डबाट मेलौली आउने क्रममा बिहीबार साँझ साढेसात बजेतिर ट्याक्टरबाट खसेका बालकको घटनास्थलमै ज्यान गएको प्रहरीले जनाएको छ ।
हराडाखान भन्ने स्थानमा आफ्नै हजुरआमाको काखमा बसीरहेका बालक एक्कासी ट्याक्टरबाट खसेको बताइएको छ । से १ त ८५७ नम्बरको ट्याक्टरबाट बालक खसेका थिए । घटनापछि ट्याक्टर र चालक दीपक लुहारलाई प्रहरीले नियन्त्रणमा लिएको छ ।
मृतक बालकको शव पोष्टमार्टमका लागि जिल्ला अस्पातलमा राखिएको जिल्ला प्रहरी कार्यालयका प्रवक्ता प्रहरी निरीक्षक जनकसिंह धामीले जानकारी दिए ।
प्रतिक्रिया दिनुहोस !
