बर्दिबास : महोत्तरी प्रहरीले कौडा खेलिरहेका अवस्थामा तीनजना पक्राउ परेका छन् । पक्राउ पर्नेमा मनरासिसवा नगरपालिका–७ का विनोदकुमार साह, सरोजकुमार साह र सन्तोषकुमार साह रहेको जिल्ला प्रहरी कार्यालय महोत्तरीका प्रहरी नायव उपरीक्षक तथा प्रवक्ता प्रकाश विष्टले बताए ।
शनिबार एकाबिहानै ४ बजे कौडा खेलिरहेको अवस्थामा उनीहरुलाई ३ लाख ३२ हजार ९ सइ ६० रुपैयाँसहित मनरासिसवा नगरपालिका–६ बाँसघारीबाट पक्राउ गरेको प्रहरी नायव उपरीक्षक विष्टले बताए । प्रनाउ विष्टका अनुसार कौडा खेलिरहेका अन्य दुईजना फरार भएका छन्।
पक्राउ परेका तीनैजनामाथि जुवा मुद्दामा थप अनुसन्धान भइरहेको जिल्ला प्रहरी कार्यालय महोत्तरीले जनाएको छ।
प्रतिक्रिया दिनुहोस !
