काठमाडौं : गीतकार जनक रावलको लोक प्याटर्नको डान्सिङ गीत ‘सिमसिमे पानी पर्यो’ सार्वजनिक भएको छ। किरण माइकल घिमिरेको संगीत रहेको गीतको भिडियो सार्वजनिक भएको हो। गीतमा रूपक डोटेल र शशिका राईको स्वर छ।
यादव पुडासैनीको निर्देशन रहेको गीतको भिडियोले बालापनको कथा बोकेको छ। भिडियोमा बालापनका कुरालाई नबिर्सिएर ताजै स्मरण गरेको भाव दर्शाइएको छ।
भिडियो बूढासुब्बा डिजिटलबाट सार्वजनिक गरिएको हो। गीतकार रावलको ‘निश्चल प्योरनेस अफ हर्ट द’ म्युजिक एल्बममा समावेश छ। गीतकार रावलले ‘भुल्यौं कि मायाले’ बोलको गीत सार्वजनिक गरेको केही दिनमा सोही एल्बमको अर्को गीत सार्वजनिक गरेका हुन्।
भिडियोमा निश्चल रावल र निकिशा विमलीलाई प्रस्तुत गरिएको छ भने तिनै बालबालिकाको युवावस्थाको प्रस्तुतिमा रमेशचन्द सोडारी र रोली तामाङलाई फिचरिङ गरिएको छ। नारायण रिजालको कोरियोग्राफी रहेको गीतको भिडियोमा कन्सेप्ट र क्रिएसन गीतकार स्वयंको छ।
प्रतिक्रिया दिनुहोस !
