काठमाडौं : बेलायतका लागि नेपाली राजदूत डा. दुर्गाबहादुर सुवेदी (दुबसु)को शब्द र रामकृष्ण ढकालको स्वर रहेको गीत अधरको म्युजिक भिडियो सार्वजनिक भएको छ।
भिडियो दसैंको अवसर पारेर सार्वजनिक गरिएको हो। गीतमा शिखर सन्तोषले संगीत भरेका छन्। भिडियो बेलायतको लन्डनस्थित विभिन्न रमणीय लोकेसनमा खिचिएको छ। प्रायः बलिउड, हलिउड चलचित्रमा देखिने लन्डनका दृश्यहरू ट्राफलगर स्क्वायर, अक्सफोर्ड स्ट्रिट, ओटु एरिनालगायतका स्थान भिडियोमा देख्न सकिन्छ।
डा. दुबसु क्षेत्री नेसनल डेभेलपमेन्ट फाउन्डेसनको प्रस्तुतिमा लन्डनस्थित केके मुभिजसँगको सहकार्यमा म्युजिक भिडियो तयार भएको हो। यसमा कुशल श्रेष्ठको छायांकन, सम्पादन तथा निर्देशन छ।
भिडियोमा विष्णु खरेल, रोश्ना कार्कीलाई देख्न सकिन्छ। बेलायतस्थित नेपाली दूतावासमा एक समारोहबीच उक्त म्युजिक भिडियो सार्वजनिक गरिएको हो।
प्रतिक्रिया दिनुहोस !
