काठमाडौं : सुरिलो स्वरकी धनी गायिका प्राश्ना लामा ‘सुनपातीको बास्नाभन्दा तिम्रो माया मीठो’ बोलको गीत लिएर आएकी छन्। यो गीतमा प्राश्नालाई शीतल गुरुङले साथ दिएका छन्। टिपिकल लोकभाकाको गीतमा मायाप्रेमसहित मन मिलेमा लगनगाँठो गाँसौं यसपालि भनेर रमाइलो पारामा छेडखानी गर्दै भिडियो तयार पारिएको छ।
कृष्ण राउतको शब्द संयोजन रहेको गीतको संगीत अनि एरेन्ज कसाङ लामाको छ। हेमा फिल्म्स्को ब्यानरमा निर्माण भएको भिडियोको निर्देशन यादव पुडासैनीले गरेका हुन् हो भने मुख्य सहायक निर्देशन सुरज लामिछानेले गरेका छन्। सुरेश वज्राचार्यको छायांकन, नारायण रिजालको कोरियोग्राफी र अनिलकुमार महर्जनको सम्पादन रहेको भिडियोमा अञ्जली अधिकारी र हेरुका लामा फिचरिङ छन्। लोकलयमा स्वरबद्ध गीत तथा भिडियोले लोक संस्कृतिको जगेर्ना गर्न मद्दत पुग्ने विश्वास लिएको गीतकार कृष्ण राउतले बताए।
प्रतिक्रिया दिनुहोस !
