काठमाडौं : बेलायतमा रहँदै आएका गीतकार भरत लोहोरुङ राईले ‘बिहानीको झुल्के घामझैं’ गीत सार्वजनिक गरेका छन्। रामशोभा राई निर्मात्री रहेको यस गीतको भिडियो हालै रामशोभा युट्युब च्यानलमार्फत नै सार्वजनिक गरिएको हो।
डीआर अटुको संगीत रहेको यस गीतमा स्वरूपराज आचार्य र दीपा लामाको स्वर सुन्न सकिन्छ। गीतकार राईले सैनिक जीवन (लाहुरे)लाई समेट्ने प्रयास गरिएको जानकारी दिए। उनका अनुसार यो भिडियो बेलायतको केन्ट र वेल्सका विभिन्न स्थानमा छायांकन गरिएको हो।
सुल्तान इदिंगोले निर्देशन गरेको भिडियोमा सिर्जना निङलेकु र मण्डल थुप्पोको थेबेलगायत कलाकारले अभिनय गरेका छन्। सुल्तान फिल्म्स् प्रोडक्सन यूकेले भिडियो पोस्ट प्रोडक्सनको काम गरेको हो।
प्रतिक्रिया दिनुहोस !
