काठमाडौं : विश्व कीर्तिमानी गीतकार डा. डीआर उपाध्यायको नयाँ गीत ‘जिन्दगीका अनेक’ श्रोतामाझ आएको छ । सागर अधिकारी ‘शरद’को स्वर तथा संगीत रहेको गीतको लिरिकल भिडियो सार्वजनिक भएको हो ।
गीतमा नेपालमा प्रकाशित धेरैभन्दा धेरै उपन्यासको नाम लिइएको छ । डा. उपाध्यायको केही समयअघि सार्वजनिक एल्बम ‘धरोहर’मा रहेको यो गीतले पनि कीर्तिमानी कायम गर्न सफल भएको थियो । गीतमार्फत डा. उपाध्यायले ३२ विश्व रेकर्ड राख्न सफल भएका छन् । डा. उपाध्यायका गीत सबै वर्ग, पेसा र समुदायका लागि रहेका छन् ।
उनका चाडपर्वका गीतदेखि लिएर छोरी बिदाइ गर्दाका गीत, पर्यटन गीत, स्वास्थ्य तथा योगसम्बन्धी गीत, महिला प्रताडनासम्बन्धी गीत, मजदुर किसान भरियासम्बन्धी गीतलगायत विभिन्न परिवेशका गीत छन् ।
सयौं गीतका सर्जक डीआरका १० उपन्यास पाठकमाझ आएका छन् । उपाध्यायको नयाँ उपन्यास ‘कफी लभ’ पाठकमाझ आउने तयारीमा छ ।
प्रतिक्रिया दिनुहोस !
