काठमाडौं : शन्तकुमार राईको निर्देशनमा तयार भएको ‘पूर्वै सहर’ नामक गीतको म्युजिक भिडियो सार्वजनिक भएको छ ।
लोकप्रिय गायक राजेशपायल राई र निलम रोजु राईको स्वर रहेको गीतमा आलोक चाम्लिङ राईको शब्द, गायिका निलम रोजु राईको संगीत समावेश छ । जसमा सन्तोष राई र सलिना थापा मगरले अनस्क्रिन रोमान्स गरेका छन्।
सरु राना गुरुङको कोरियोग्राफीमा तयार भएको भिडियोमा परदेशी भूमिमा आफ्नो श्रम बेचिरहेको नेपालीको कथा भिडियोमा देखाइएको छ ।
नेपाली गाउँठाउँकै झल्को दिने बेलायतका रमणीय दृश्य समेटिएको भिडियोको छायाङ्कन सुमन श्रेष्ठले गरेका हुन्।
त्यस्तै कलर ग्रेडिङ्ग नवीन निरौला, कस्टम चयन दिपक थापा मैथाने मगर र सरु गुरुङ रानाले गरेका छन् भने सिंगार सन्जु थापा मगरले गरेकी छन् भने व्यवस्थापन सन्तोस राईले गरेका छन् ।
प्रतिक्रिया दिनुहोस !
