नयाँदिल्ली : भारतको बिहारमा कोरोनाभाइरस महामारीका बावजुद चुनावको माहोल छ । २ सय ४३ सिटका लागि भएको तीन चरणको निर्वाचनको मतगणना अहिले जारी छ ।
जहाँ पछिल्लो मतपरीणाम अनुसार सत्तारुढ दल भारतीय जनता पार्टीको गठबन्धन अगाडि देखिएको छ । उक्त गठबन्धनका तर्फबाट यसअघि तीन पटकसम्म मुख्यमन्त्री भइसकेका नीतिश कुमार यादवलाई अघि सारिएको छ ।
तर उक्त गठबन्धनसँग कडा प्रतिस्पर्धामा छ आरजेडीको महागठबन्धन । भारतीय मिडियाका अनुसार भाजपा गठबन्धनले अग्रता लिए पनि कसले जित्छ अहिले नै यकिन गर्न कठिन छ ।
महागठबन्धनको तर्फबाट युवा नेता तेजस्वी यादव मुख्यमन्त्रीको दावेवार छन् । तेजस्वी पूर्वमुख्यमन्त्री लालु यादवका छोरा हुन् । ३० वर्षीय तेजस्वीले जितेको खण्डमा उनी सबैभन्दा कान्छो मुख्यमन्त्री बन्ने अवसर पाउनेछन् । तर नीतिशले जिते भने उनी चौथो पटक मुख्यमन्त्री बन्नेछन् ।
अर्को तर्फ बिजेपीको धेरै सीट आएको खण्डमा नीतिशलाई छाडेर अन्य दलसँग मिलेर पनि अरुलाई नै मुख्यमन्त्री बनाउनसक्ने सम्भावना पनि उत्तिकै रहेको बताइन्छ । स्थानीय मिडियाले जनाए अनुसार बिहारमा लाखौँ रोजगारी सिर्जना गर्ने प्रतिबद्धता गरेको भाजपाले प्रतिवद्धता पूरा गर्न नसक्दा बिहारमा पछिल्लो समय कमजोर बन्दैगएको छ । तै पनि महामारीका बावजुद बिहारमा आम नागरिकहरु मतदानमा उत्साही देखिए ।
प्रतिक्रिया दिनुहोस !
