पत्रकार तथा गीतकार सुनील कोइरालाको देउसीभैलो सार्वजनिक (भिडियोसहित)

काठमाडौँ : पत्रकार तथा गीतकार सुनील कोइरालाको तिहारको लागि देउसी–भैलो गीतको भिडियो सार्वजनिक भएको छ ।

प्रज्ञाश्वरी रेकर्डिङ्गको आधिकारिक युट्युब च्यानलबाट सार्वजनिक गरिएको भिडियो नेपालको काठमाडौं र भारतको सिलगुरी गरी दुई ठाउँमा छायाँकन गरिएको हो । आजभन्दा ६ वर्ष अगाडि नै रेकर्ड गरिएको गीतलाई यस वर्षमात्र भिडियो निर्माण गरिएको यस गीतका संगीतकार किरण कँडेलले बताए ।

तिहारमा बज्ने एउटै प्रकृतिको गीतभन्दा भिन्न प्रकारको गीत सिर्जना गर्न उत्प्रेरित भइ यो गीत तयार पारिएको गीतकार सुनील कोइरालाले बताए । एउटै गीतमा देउसी र भैलो मिश्रित गीत निकै कम बनेकोले यो गीतलाई फरक र मौलिक रुपमा निर्माण गर्न कोसिस गरिएको संगीतकार किरण कँडेलको भनाइ छ । गीतमा किरण कँडेल, सुरज कुमार थापा, निकिता थापा, अनुष्का पाठकको स्वर छ भने भिडियोको निर्देशन शिवु श्रेष्ठले गरेका हुन् ।