काठमाडौं : नायक राजेश हमाल नयाँ फिल्मको पर्दामा नदेखिएको धेरै भयो। कोरोनाको माहामारीबीच उनी केही म्युजिक भिडियोमा देखिन थालेका छन्। नेकपा अध्यक्ष पुष्पकमल दाहाल प्रचण्डकी नातिनी स्मीता दाहालले गाएको एउटा गीतमा राजेश हमालले उनैसँग रोमान्स गरेका छन्।
स्मीता र राजनराज शिवाकोटीको स्वर रहेको ‘मालिंगो’ बोलको गीतको भिडियो बिहीबार सार्वजनिक भएको छ। भिडियोमा राजेश पत्रिका घरघरमा पुर्याउने हकरको भूमिकामा
देखिएका छन्। स्मीतालाई बलात्कार हुनबाट जोगाएपछि उनी राजेशको मायाजालमा पर्छिन् तर यसको क्लाइमेक्स भने उनले सोचेझैं हुँदैन।
सुनिता नेपाल सुवेदीको शब्द रहेको गीतमा राजनराज शिवाकोटीको संगीत, उदयराज पौडेलको एरेन्ज, श्यामश्वेत रसाइलीको मिक्सिङ छ भने सम्पादन भूपेन्द्र अधिकारी तथा कलर रेनिस फागोको रहेको छ।
प्रतिक्रिया दिनुहोस !
