काठमाडौं : पछिल्लो २४ घन्टामा काठमाडौं उपत्यकामा थप ९४७ जनामा कोरोना भाइरस (कोभिड-१९) संक्रमण देखिएको छ। ४१० महिला र ५३७ पुरुष गरी ९४७ जनामा संक्रमण देखिएको स्वास्थ्य तथा जनसंख्या मन्त्रालयले जनाएको छ।
यस्तै पछिल्लो २४ घण्टामा थप १७ सय ९० जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार २४ घण्टामा २७ सय ९१ जना डिस्चार्ज हुँदा २४ जनाकै मृत्यु भएको छ ।
मन्त्रालयका अनुसार योसँगै नेपालमा कुल संक्रमितको संख्या २ लाख २४ हजार ७८ पुगेको छ भने २ लाख ४ हजार ८५८ जनाले कोरोना जितेका छन् । अहिले सक्रिय संक्रमितको संख्या भने १७ हजार ८५९ रहेको मन्त्रालयले जनाएको छ ।
कुल १६ लाख ८१ हजार २९९ जनाको पीसीआर भएको नेपालमा अहिले क्वारेन्टिनमा ६२७ जना रहेका छन् । यस्तै ३९३ जनाको आइसीयू र ५७ जनाको भेन्टिलेटरमा उपचार भइरहेको छ। मंगलबार थप २४ जनाको कोरोना संक्रमणबाट मृत्यु भएको छ। योसँगै नेपालमा कोरोनाबाट मृत्यु हुनेको संख्या १३ सय ६१ पुगेको छ।
प्रतिक्रिया दिनुहोस !
