काठमाडौं : अर्जुन पोखरेलको संगीत तथा निशान भट्टराईको आवाजमा ‘तिमीलाई देखेपछि माया पलायो’ बोलको गीतको भिडियो डिभाइन म्युजिकबाट रिलिज भएको छ। गीतमा नीलकण्ठ सुवेदीको शब्द छ।
गीतमा युवायुवतीको भेटपछि हुने प्रेमका कुरा समेटिएका छन्। गायक भट्टराईले यो गीत आफूलाई निकै मनपरेको बताएका छन्। संगीतकार पोखरेलले यो गीतबाट आफूले निकै आशा गरेको बताए।
सुरेशदर्पण पोखरेलले भिडियोको निर्देशन गरेका छन्। संयुक्त राज्य अमेरिकाका विभिन्न रमणीय स्थानमा छायांकन गरिएको यो भिडियोमा भरत सुवेदी र समिन श्रेष्ठले अभिनय गरेका छन्। विनोद अधिकारीले छायांकन गरेका हुन् भने सम्पादन तथा कलर ग्रेडिङ भरत रेग्मीले गरेका हुन्।
प्रतिक्रिया दिनुहोस !
