काठमाडौं : बाल कृष्ण न्यौपानेको नयाँ गीत मेरी सोल्टीनीको भिडियो सार्वजनिक भएको छ। काठमाडौँ उपत्यकाको रमणीय स्थलमध्येको एक गोदावरीमा छायांकन गरिएको गीतको भिडियोमा नेपाल आइडलबा लोकप्रियता कमाएका किरण भुजेल र भ्वाइस अफ नेपालबाट लोकप्रिय बन्न सफल गायिका गीता शर्माको स्वर रहेको छ।
भिडियोमा पल शाह र वर्षा राउतको अभिनय रहेको छ। पल र वर्षा एक रोमान्टिक प्रेमी जोडीको अवतारमा देखा परेको गीतको भिडियो हेर्दा दर्शकले आफ्नै प्रेम कहानी जस्तो महशुस गर्नेछन्।
जसका लागि निर्देशक गम्भिर विष्टले निकै मेहेनत गरेको गीतकार न्यौपाने बताउँछन्। गीतकार न्यौपानेका यसअघि ‘उजाडियो शिशिर’ , ‘अब यी अल्छी हातमा’ लगायतका दर्जन बढी गीतहरु बजारमा आइसकेका छन्।
नवीन निरौलाको कलर र सम्पादन रहेको गीतको भिडियोको छायांकन ज्ञानेन्द्र शर्माले गरेका हुन्।
प्रतिक्रिया दिनुहोस !
