काठमाडौं : पछिल्लो समय चर्चामा रहेका गायक पदम राईले एकपछि अर्को हिट गीत, संगीत पस्कँदै आइरहेका छन्।
केही समयपहिले सार्वजनिक भएको ‘पछि पछि लागेर’ बोलको गीतको भिडियोले युट्युबमा करोड क्रस भ्युज पाएर चर्चामा रहेका पदमले ‘के गुलियो छ र सक्खर चिनी’ बोलको गीतको भिडियो सार्वजनिक भएसँगै उनको चर्चा अझ चुलिएको थियो। केन्द्र मोसन पिक्चर्सको प्रस्तुति रहेको उनको पछिल्लो कोसेली ‘यसो हेरें पूर्वतिर’ सार्वजनिक भएको छ।
यसमा शशि गुरुङ ‘वाङ्देल’को शब्द, संगीत रहेको छ। भिडियोमा चर्चित नायक दयाहाङ राई, एलिशा राईलगायतका कलाकारले अभिनय गरेका छन्।
भिडियो किरण चाम्लिङ राईले निर्देशन गरेका हुन्। विगतका सांगीतिक कोसेलीलाई झै यसलाई पनि मन पराइदिनु हुनेमा विश्वस्त गायक राईले दर्शक, श्रोताको रुचिअनुसारको गीत, संगीत पस्कँदै जाने बताए।
प्रतिक्रिया दिनुहोस !
