अछाम : अछाममा एक सुत्केरी महिलाको मृत्यु भएको छ। जिल्लाको तुर्माखाद गाउँपालिका–४ की ३८ वर्षीया नामसरा विकको जिल्ला अस्पताल अछाममा मृत्यु भएको हो । सोमबार मध्यान्ह १२ बजे नै सुत्केरी व्यथा लागेर रक्तश्राव हुन थालेपछि स्थानीय स्वास्थ्य संस्थामा उनी पुगेकी थिइन् । त्यहाँ उपचार सम्भव नभएपछि उनलाई जिल्ला अस्पतालमा ल्याईएको थियो।
सोमबार राती १२ बजेर १५ मिनेटमा जिल्ला अस्पतालमा उनको ज्यान गएको जिल्ला अस्पताल अछामका निमित्त प्रमुख डाक्टर अतुल भारद्धाजले जानकारी दिए । छैठौं बच्चा जन्माउने क्रममा नामसरालाई अस्पताल पुर्याइए पनि रक्तश्राव नरोकिएपछि ज्यान गएको भारद्धाजले जानकारी दिए।
नामसराको पेटमा रहेको बच्चाको पहिले नै मुत्यु भइसकेको थियो डा. भारद्धाजले भने, साढे ४ घण्टा ढिलो गरी अस्पतालमा पुर्याइएका कारण उनलाई बचाउन सकिएन। नामसराका यसअघि ३ छोरा र २ छोरी छन् ।
प्रतिक्रिया दिनुहोस !
