बेंसीसहर : लमजुङमा कोरोना संक्रमित एक जनाको मृत्यु भएको छ । आइसोलेसनमा रहेका बेंसीसहर नगरपालिका–९ का ९७ वर्षीय वृद्धको बिहीबार मृत्यु भएको हो ।
कोरोना संक्रमित लमजुङमै मृत्यु भएको यो पहिलो घटना हो । यसअघि लमजुङ ठेगाना भएका बाहिरी जिल्लामा उपचारको क्रममा ६ जनाको मृत्यु भइसकेको छ ।
आइसोलेसनमा रहेर समस्या भएपछि उपचारका लागि अस्पताल ल्याइएका वृद्धको उपचारको क्रममा मृत्यु भएको हो । बेंसीसहरस्थित जिल्ला अस्पताल लमजुङका अनुसार बिहान अस्पताल ल्याएकोमा साँझ निधन भएको हो ।
अस्पतालका प्रमुख हेमन्त श्रेष्ठका अनुसार परिवारका सबैमा कोरोना संक्रमण देखिएपछि वृद्धको सोमबार स्वाब लिएर पीसीआर परीक्षणका लागि पोखरा पठाइएको थियो । वृद्धमा बुधबार कोरोना पुष्टि भएको थियो ।
प्रतिक्रिया दिनुहोस !
