भैरहवा : अख्तियार दुरुपयोग अनुसन्धान आयोगको बुटवल कार्यालयले सशस्त्र प्रहरी बल नेपालको कपिलवस्तुस्थित कृष्णनगर बीओपीका सशस्त्र प्रहरी सहायक हवल्दार लिलबहादुर गुरुङलाई घुससहित पक्राउ गरेको छ ।
घरायसी सामान ओसारपसारमा सहजीकरण गरिदिए बापत सेवाग्राहीसगँ ३५ हजार रुपैयाँ लिइसकेको अवस्थामा सहायक हव्लदार गुरुङलाई घुस सहित पक्राउ गरिएको अख्तियारको बुटवल कार्यालयका प्रवक्ता सुरेश भुषालले जानकारी दिए ।
उनले कपिलवस्तु जिल्लाको कृष्णनगर नगरपालिका २ गोलघर स्थित मिलन रेष्टुरेन्ट एण्ड दुर्गा गेष्ट हाउसबाट गुरुङलाई नियन्त्रणमा लिइएको र घटनाको थप अनुसन्धान भइरहेको बताए ।
प्रतिक्रिया दिनुहोस !
