काठमाडौं : ‘घोप्टे भीर’को भिडियो सार्वजनिक भएको छ । परदेशमा बसेर गीत संगीतमा सक्रिय विवेक लुइटेलले नयाँ गीत सार्वजनिक गरेका हुन् ।
यस अघि ‘आज फेरि हेर हेर’, ‘सक्दिन होला’ जस्ता गीत सार्वजनिक गरेका उनले नयाँ गीत ल्याएका हुन् । गायक स्वयम्ले रचना गरेको गीतमा शैलेन्द्र मोहन प्रधानले संगीत समयोजन गरेका छन् ।
गीतको भिडियो अस्ट्रेलियाको मेल्बोर्न सहरमा छायाङ्कन गरिएको हो । भिडियोको निर्देशन र सम्पादन जीवन रसाइलीले गरेका हुन् । गीतमा राहुल गजमेर र स्वस्तिका लामिछानेको अभिनय देख्न सकिन्छ ।
प्रतिक्रिया दिनुहोस !
