सरोजको त्यस्तै त्यस्तैमा

काठमाडौं : विधान कार्कीको निर्देशनमा ‘त्यस्तै त्यस्तैमा’ बोलको गीतको म्युजिक भिडियो सार्वजनिक गरिएको छ।

गीतमा सरोज साजन श्रेष्ठ र समीक्षा अधिकारीको स्वर, यादव लम्सालको शब्द तथा अर्जुन पोखरेलको संगीत छ। गीतमा युवायुवतीबीचको प्रेम, आकर्षण र माया प्रस्तुत गरिएको छ। गीतलाई अर्जुनले डान्सिङ शैलीमा प्रस्तुत गरेका छन्। भिडियोमा सुधीर श्रेष्ठ, श्रेया सिटौला, डिमोन क्षेत्री र रुविसा श्रेष्ठको मोडलिङ हेर्न सकिन्छ। भिडियोमा प्रकाश घिसिङको लगानी, सुरेन्द्र बसेलको कोरियोग्राफी, विकास दाहालको सम्पादन र उत्सव दाहालको छायांकन छ।

‘कान्छी मट्याङ ट्याङ’

किरण भुजेलको प्रस्तुति र नेप्सिने कम्पनीको सहकार्यमा निर्माण भएको गीत ‘कान्छी मट्याङ ट्याङ’ को म्युजिक भिडियो रिलिज भएको छ। यो गीतमा किरण भुजेल र एलिना चौहानको स्वर सुन्न सकिन्छ। गीतमा सुनिल कटुवालको शब्द तथा प्रेम घिमिरेको संगीत छ।

गीतको भिडियोलाई विधान कार्कीले निर्देशन गरेका हुन्। भिडियोमा मनीषा थापाको कोरियोग्राफी, विकास दाहालको सम्पादन र उत्सव दाहालको छायांकन छ। भिडियोमा किरण भुजेल, श्रेया सिटौला, अजय श्रीज, एलिना चौहान र सुनिल कटुवालको अभिनय छ।