काबुल : अफगानिस्तानको कानदहर र उरुज्गान प्रान्तस्थित सरकारी फौजको आक्रमणबाट २८ तालिबानी लडाकु मारिएको सरकारी अधिकारीहरुले बताएका छन् ।
सरकारी फौजको सुरक्षा कारवाहीको क्रममा उनीहरु मारिएको सरकारको भनाइ छ । उरुज्गान प्रान्तको ओबे क्षेत्रस्थित प्रहरी टोलीलाई लक्षित गर्दै गत बुधबार तालिबानी समूहले आक्रमण गरेको थियो । त्यसको जवाफी कारवाही स्वरुप सुरक्षा फौजले आक्रमण गरेको बताइएको छ ।
जहाँ सरकारी फौजले स्थल तथा हवाइ मार्गबाट हमला गरेको थियो । उक्त हमलामा दर्जन भन्दा बढी लडाकु घाइते भएको पनि सेनाले जनाएको छ ।
अफगानिस्तानमा २० वर्षदेखि जारी तालिबानी युद्धको क्रममा कानदहर क्षेत्र तालिबानी समूहको प्रभाव क्षेत्रको रुपमा चिनिदै आएको छ । यसअघि पनि कानदहरमा ठूला भीडन्त तथा आक्रमण भएका छन् । यस पटक सेनाको आक्रमणबारे तालिबानी समूहले भने कुनै प्रतिक्रिया दिएको छैन ।
प्रतिक्रिया दिनुहोस !
