काठमाडौं : जीवन पराजुली नेपाली सिनेमा उद्योगमा विगत एक दशकदेखि छायाकारका रूपमा कार्यरत छन् । एक दर्जन चलचित्र छायांकन गर्न भ्याएका पराजुली काभ्रे, मण्डनदेउपुर—१२ का स्थानीय बासिन्दा हुन् । सिनेमाटोग्राफरको भीडमा अब्बल छायाकारको रूपमा चिनाउन सफल पराजुली चलचित्रलाई मनोरञ्जन र समाज परिवर्तनको संवाहक मान्छन् ।
उनी स्कुले जीवनदेखि नै कला क्षेत्रप्रति लगाव राख्दै कला क्षेत्रमा निरन्तर लागिपरेका उनी चलचित्रलाई विश्व बजारसम्म पु¥याउन सबैले योगदान दिनुपर्ने बताउँछन् । सुटिङ युनिटमा सबैसँग मिलेर सहकार्य गर्न सिपालु पराजुली यतिबेलो विजय केरुङको निर्देशन रहने चलचित्र ‘निम्तो’ को छायांकनमा व्यस्त छन् ।
निरन्तर नेपाली चलचित्र जगत्मा आफ्नो उपस्थिति खरो रूपमा गराउँदै आएका पराजुली आफ्नो कामको माध्यमबाट नेपाली कलाप्रेमी र दर्शकको मन मस्तिष्कमा बस्न सफल छन् । पराजुलीले चियर्स, झमकबहादुर, काले दाइ, मेरो आफ्नो, निर्जला, किन रुन्छ मेरो मन, खतरनाक, स्पर्श आदि चलचित्रमा आफ्नो काम गर्ने क्षमता उजागर गरिसकेका छन् ।
प्रतिक्रिया दिनुहोस !
